不想輸,只好贏: 4月 2013

( 據朝中社報道，這名北韓外務省發言人說，最近美國提議同北韓開展對話，但要求北韓首先表現出“去核化”的誠意，這是無視北韓國家、黨以及北韓法律的傲慢行為。北韓並不反對朝美對話，但不能同揮舞著核大棒的美國坐下來談判。他表示，對話應該基於尊重主權和平等的原則上進行，這是北韓的一貫立場。)
http://big5.ifeng.com/gate/big5/news.ifeng.com/mil/1/detail_2013_04/17/24305907_0.shtml

緊係軟啦~~攪左咁耐都唔射野,係人都軟啦!!....敏爺一早就話左金仔無料到架啦,係南韓個傻婆冇呢方面既經驗,偷窺人家攞碌野黎出下入下同大叫兩聲就以為人地就快射喎,發顛....係美國佬兩兄弟先比佢嚇倒.

其實北韓都唔係第一次射架啦,基本上係有哂經驗啦,只要做足安全,唔會攪出人命,米由佢射個夠囉.呢方面亞太股市都表現冷靜就知道冇人擔心啦.....即使真係射野又如何??射完震兩震(股市)都係自然反應啫,到時比位你入米重好?!

東主好早時已同我講,北韓攪咁多野基本上係冇咩著數,而時間上睇,自從釣魚台事件發生後,美國佬又好似無意睇住個細佬,亞爺米放狗吠兩野囉.時間上好似十分吻合.....而近日美國佬好似放左D聲氣出黎想喝住日本仔唔好玩咁大,亞爺米安撫下隻顛狗,等佢軟番少少囉,時間又好似有D吻合喎.....所以東主估計,如果釣魚台問題未解決,北韓都會KEEP住有少少硬,唔會完全軟哂囉.

2013年4月18日星期四

以圖論股:2357

http://hkstock.bbspace.org/viewthread.php?tid=15&extra=page%3D1&frombbs=1

要知點睇可回看:
http://blog.yahoo.com/_MYSS3CRKFWQOAG3DC6AGNUKPHY/articles/1255391

2013年4月17日星期三

新手.老手.高手

頭先睇睇下電視,站長突然微信我,問我做緊咩?!我話睇緊電視,佢話頂解唔出文!!我話今日出左啦!!佢話今日先出左一篇個股分析,會唔會太少呀?你咁得閑睇電視頂解唔出多D呀?我話我暫時未諗到喎,明天先出得唔得??佢話你冇諗野下話,你以前有諗野時打BLOG一日除時出幾野啦,家下出多一野半野都話冇貨,我點比個場你睇呀??....是的,我自從冇點打BLOG後的確少左諗野,加上年紀有番咁上下,要一日出兩野真係考辛苦,想我後生時連出....也罷,畢竟事在人為,加上爛船都有三根釘,只要我諗多D野再加多兩錢慾緊,嗚!!D諗頭就好似長江之水,連連不絕,又有如黃河缺堤,一發不可收拾......

想信好多人都聽過"新手睇價,老手睇量,高手睇勢"或知道點解,所以我主要係比唔知既人睇的....

http://hkstock.bbspace.org/viewthread.php?tid=12&extra=page%3D1&frombbs=1

以圖論股:297

記得上年11月尾時,和友人一起選定297為十強股之一,因為....http://hkstock.bbspace.org/viewthread.php?tid=10&extra=page%3D1&frombbs=1

唔明睇呢度:http://blog.yahoo.com/_MYSS3CRKFWQOAG3DC6AGNUKPHY/articles/1255391

2013年4月16日星期二

散戶投資交流區

最近網上瘋傅一個名"散戶投資交流區"的神秘組織,江湖傳聞呢個組織係專為股場散戶而成立的交流平台,可惜聽聞佢只係比有關係的股友參與,平常人基本上係無法加入的......

我為左呢個傳言,千方百計咁先搵到呢個論既壇站長同佢吹左幾句.我先知道佢成立既"中指"係為左幫助一D有需要既股友,希望立志係股場唔想成日輸錢,而又想通過互相交流同提點,盡量想辦法係其他散戶身上借住少少錢而又唔打算還既交流平台.......嘩!!我聽左之後極為感動,這不是我多年來所希望達到的境界嗎??!!於是我乞求站長比我加入成為一名小小的會員仔,點知站長極為交心地話比個版主我做.....嗚!!能不為論壇賣命嗎??於是經站長同意後,決定公開比各界有心股友加入成為會員.

講開呢個論壇真係西X利,開放左短短半日,已經有多位股壇名人加入,除左"陸東,周顯,黃偉傑,沈震盈,郭思治,熊麗萍"等等等.......都被我們拒絕佢哋加入之外,基本上絕大部分我認識佢又識得我既股壇名人都加入左,包括"天煞沽升(敏爺),股壇明燈(PATRICK)黃輸苦(MANDY WONG),股后(KIT),酒后(TIFFANY)和輪王(站長).....佢地都會毫無保留地分享佢地既輸錢心得(贏錢佳因輸錢起),而站長更誠言會員有問必答,包括股票,愛情,心靈,生活上的各種問題,都可以發問,而我們也會"盡心"回答,務求令會員有賓至如歸的感覺(如果可以的話),請把握良機,盡快加入吧!!.....論壇網址係: hkstock.bbspace.org (如已是FACEBOOK的股友,請用"面書"的名稱註冊,以便識別)

而為左報答站長的知遇之思,東主決定重出江湖,但由於時間關係,東主又不想過於馬虎,所以今天只能POST住東主目前的短倉組合,和呢兩日買入的個股.之後都會多點係論壇發文以表支持,希望想加入的會員也多加支持,多點發文,不論分享什麼內容,只要不是惡言操話,我們都會熱誠回應,因為有些文章係需要回應才能分享,更有些是需要多發文才能分享.....畢竟我們本著"等價交易"的精神,互相出點力才能達至交流的意義!!......多謝支持!!

目前短炒倉:http://hkstock.bbspace.org/thread-6-1-1.html

2013年4月7日星期日

投資組合

如果有睇過東主提過的一本投資書,相信都會明白為自己的投資組合選擇合適的股票是極為重要的,因為這會直接影響到未來的增長率及回報.....就以小弟為例,當時買左隻爛傢私想作長線投資,結果令到長倉及投機倉都出現失血性創傷....然而自我審視後,覺得買傢私冇問題,只係買得太重部位了.茶實PETER仔都講過,佢旗下都有極多股票都係蝕到阿媽都唔認得,但係佢既投資組合都係以驚人的速度成長,何解??!!

好多人都喜歡買大藍籌股,但熟悉小弟的都知道我好少買賣藍籌,原因係藍籌一般都已經係已成長股,業績一般都極為"穩定",想有驚喜都有難度,股價就自然都唔會比到咩驚喜比投資者啦,但相對地就"比較安全",即使因市況或經濟不景而下跌,只要不是公司或行業上出現根本性問題,由於公司有雄厚實力和行業領導性,市況或經濟一好轉,回家或賺錢的機會就比較高,所以就比較適合用唔輸得和只求安穩的資金來投資,所以小弟大部分長線資金都持有祖國銀行,目標只為平穩,不望有功但求無過;另再加一部分買入成長股,希望為長倉帶來驚喜.

買入成長股好處是盈利增長強勁,但相對地風險就會高,因為其絕大部分資金都用於發展業務,只要公司投資有點失利或方向錯誤,很容易會出現資金斷裂的問題,股價就會大幅下跌,又或一跌不起......小弟當時買傢私就係貪佢係成長股,而如果比我時光倒流,我都會買佢,但就唔應該買咁多,只買一萬幾千股便可以了,因為買成長股風險大但回報高,不宜用太多資金去博.......唔記得係米PETER仔講過,當你買入五隻同是10元的成長股,可能會有3隻股價會跌去7,8成,但即使跌至0,你都係損失每股10元乘3,但可能其他2隻會上升至100元或200元更至無限,咁你的投資組合還是會驚人增長.而小弟唔喜歡買大藍籌的原因係藍籌一般都會跟隨大市上升,但講真,大市升其他股都會升,而相對地藍籌升幅有限同慢,如果用同樣的資金作"投機",點解唔買升幅大波幅大的股,而要買升跌幾近同大市同步的藍籌呢??!!....所以東主一直都主張買大藍籌就要作中,長線投資,而且又唔好望有理想的回報.

咁應如何選擇合適自己的投資組合呢??東主就應為要視乎個人能的風險而定,年紀大又冇收入既就安全D買大藍籌,只要時機掌握得好,回報也會穩定;後生又有穩定收入既就勇進少少囉.....現時大多公司已出左全年業績,對於選擇個股都會比較清晰容易,只要上年咁差既環境都冇出現虧損或大幅倒退既公司,東主話就可以考慮下佢既前景作出合適的投資,呢方面就要個人多做點功課喎.而最好親呢排大市有不利消息而下跌的機會,吸入一些比較有前景的成長股囉.

東主話如果覺得佢講既野有少少幫助既,就係最上邊按個"讚"字作鼓勵無需留言喎,佢話鼓勵是推動東主寫作的原動力喎!!(都唔知係唔係 (raised eyebrows)

)

不想輸,只好贏

2013年4月29日星期一

個股分析:175

2013年4月27日星期六

27-4-2013 大市分析

2013年4月25日星期四

股場賺錢難嗎???

2013年4月22日星期一

以圖論股:水泥

2013年4月20日星期六

征服漢陽

2013年4月19日星期五

19-4-2013 大市分析

金老弟開始軟啦!!