其實每個父母對子女都會有期望 , 即使係我呢個讀左7年小學 , 中學會考只有一科能緊緊合格的父親 , 都會希望兒子能就讀BAND 1 的學校 , 雖然我一直都覺得自己成績差係因為當年沒有母語教學 , 難得家下有中文教學 , 其實對一些真的英語能力比較差的學生應該係好事 , 起碼唔會我似我當年咁 , 因為對英文有抗拒而導致其他學科都一齊唔掂 , 畢竟讀書最終都只是求學問 , 英文都只不過係一種語言啫 . 但可惜係大部分家長已將有用中文教學的中學標籤為BAND 2 OR BAND 3 .
很多家長都知道 , 中學本身係冇組別之分的 , 只要小學生在5,6年級時交比教育局的成績評定組別 . 由於統一派位係以組別1(BAND 1)的成績優先點派 , 咁好自然一些比較出名或所謂傳統的名校最多家長選擇 , 咁又好自然咁組別1的學生會優先派入較出名的中學 , 當名校額滿後就好自然組別2的學生冇可能入BAND 1 中學 , 咁又好自然咁要去次一級的選擇(BAND 2) , 最後組別3的學生就只有去一些不太受家長歡迎的中學了(BAND 3) ......所以呢個看似不公平但茶實又係最能公平地分配學生的遊戲下 , 基本上BAND 1的中學可能永遠都會係BAND 1 , 因為入去既學生本身成績已優越 , 咁每年入讀大學的比率自然就會高 , 也自己成為家長心儀的中學 , BAND 3 的可能會長期都係BAND 3了 , 除非學校本身有能力提高學生的學業成績 , 不過就的確有D難度囉.
但即使子女係組別1的學生 , 也有機會不能就讀BAND 1中學的 . 就以小兒為例 , 由於就讀小學係荃灣區 , 而荃灣區就有23間小學13間中學其中4間係BAND 1中學 . 而我用一D膚淺簡單的計算方法 , 假設荃灣區每間小學有30%組別1的學生 , 即大概有930個有資格就讀BAND 1中學 , 但4間BAND 1中學加起來都只有大概540個中1學位 , 根本係冇可能容納到區內所有組別1學生 , 咁就只有靠自行分配學位呢一個遊戲來跳出學網 , 希望可以越區尋找機會 .
自行分配學位既最重點就係冇區域性限制 , 即係只要你認為子女成績OK的話 , 你係可以去報讀全港任何"兩間"傳統名校如"拔衰"或"皇淫"啦 , 佢地收唔收就係另一回事 , 但總算比機會子女跳出區域網 , 比成績真係頂尖的學生有機會就讀被認為係真正的名校 . 由於荃灣區學位不足 , 即使係組別1的學生如果成績只係中間位置的 , 自行分配時學校選中你的機會相對地會減少 , 因為本身同區已不足位 , 還要面對左鄰右里區的越區挑戰 , 假設學校本身比較注重成績的話 , 自然會挑選一D較為前例的學生啦.
荃灣區的鄰區交通比較方便的有葵青區同沙田區 , 即係荃灣網的想越區最方便的就係南下葵青同北上沙田區.......根據小兒學校提供的資料 , 葵青區有38間小學31間中學其中7間係BAND 1 中學 , 而沙田區有48間小學37間中學其中14間係BAND 1 中學 . 咁即係就咁睇落去葵青區小中比例較平均 , 不過BAND 1 中學相比最少 , 而沙田區小中比例都還可以但BAND 1 學校比較多 . 而學校提供資料係荃灣區小學成績級數係比鄰區較高 , 所以越區挑戰就較為有著數喎 .
但現時最令我頭痛的是除左自行分配學位外還有統一派位! 假設我最最心儀的中學係自行分配時學校未能取錄 , 咁理論上就會自動跳去統一派位時再抽籤 , 而統一派位又有分甲部同乙部 , 甲部只可選3間不受地區網限制的中學 , 而乙部主要係同區學生優先 . 而抽籤係以組別1(排名不分高低)優先抽點 , 由於係電腦自行配對 , 學校本身係冇選擇權 , 所以如果係甲部子女係全港性組別1的學生 , 無論係最頂尖既或係最尾既 , 都係公平地電腦抽選 , 咁如果你夠膽既除時可以入到全港3大名校 , 不過! 話明係全港性名校自然會極多人去博大霧 , 咁抽中既機率自然相對地極之低啦 .
當你極之心儀的中學係自行分配失敗時(你係唔會知你成功與否,因為全部都係放磅時先知最終結果) , 咁理論上你重有兩次的抽籤機會 , 但如果你係自行派位時 , 除非你冇選擇第二志願 , 否則第二志願有幸或不幸地收左貴子女 , 你暗地裡已經排除左統一派位類別 , 即係你就會失去兩次再入讀最心儀的學校機會 . 但話雖如此 , 到左統一派位時其實真係好講運氣 , 因為根據教育局數字 , 全港全英中學校(我理解為BAND 1)根本係不足容納所有組別1的小學生 , 如無記錯好似大概有3成左右組別1學生要讀BAND 2 學校的.............所以自行派位時 , 除非有兩間都係你極之心儀的中學 , 否則就真係要諗得清清楚楚 , 如果真係只有一間而不作他選的話 , 咁自行分配學位同甲部統一派位時就唔好選第二志願 , 咁就算本身學校唔收都有兩次抽籤入讀的機會 , 只要明白抽籤係好講運氣的 , 而曾經玩過小一派位遊戲的家長都應該明白 , 一旦統一派位抽唔到第一志願就有機會跌去第4,5志願的可能 . 我家下正考慮緊第二志願係米要北上.
荃灣區的鄰區交通比較方便的有葵青區同沙田區 , 即係荃灣網的想越區最方便的就係南下葵青同北上沙田區.......根據小兒學校提供的資料 , 葵青區有38間小學31間中學其中7間係BAND 1 中學 , 而沙田區有48間小學37間中學其中14間係BAND 1 中學 . 咁即係就咁睇落去葵青區小中比例較平均 , 不過BAND 1 中學相比最少 , 而沙田區小中比例都還可以但BAND 1 學校比較多 . 而學校提供資料係荃灣區小學成績級數係比鄰區較高 , 所以越區挑戰就較為有著數喎 .
但現時最令我頭痛的是除左自行分配學位外還有統一派位! 假設我最最心儀的中學係自行分配時學校未能取錄 , 咁理論上就會自動跳去統一派位時再抽籤 , 而統一派位又有分甲部同乙部 , 甲部只可選3間不受地區網限制的中學 , 而乙部主要係同區學生優先 . 而抽籤係以組別1(排名不分高低)優先抽點 , 由於係電腦自行配對 , 學校本身係冇選擇權 , 所以如果係甲部子女係全港性組別1的學生 , 無論係最頂尖既或係最尾既 , 都係公平地電腦抽選 , 咁如果你夠膽既除時可以入到全港3大名校 , 不過! 話明係全港性名校自然會極多人去博大霧 , 咁抽中既機率自然相對地極之低啦 .
當你極之心儀的中學係自行分配失敗時(你係唔會知你成功與否,因為全部都係放磅時先知最終結果) , 咁理論上你重有兩次的抽籤機會 , 但如果你係自行派位時 , 除非你冇選擇第二志願 , 否則第二志願有幸或不幸地收左貴子女 , 你暗地裡已經排除左統一派位類別 , 即係你就會失去兩次再入讀最心儀的學校機會 . 但話雖如此 , 到左統一派位時其實真係好講運氣 , 因為根據教育局數字 , 全港全英中學校(我理解為BAND 1)根本係不足容納所有組別1的小學生 , 如無記錯好似大概有3成左右組別1學生要讀BAND 2 學校的.............所以自行派位時 , 除非有兩間都係你極之心儀的中學 , 否則就真係要諗得清清楚楚 , 如果真係只有一間而不作他選的話 , 咁自行分配學位同甲部統一派位時就唔好選第二志願 , 咁就算本身學校唔收都有兩次抽籤入讀的機會 , 只要明白抽籤係好講運氣的 , 而曾經玩過小一派位遊戲的家長都應該明白 , 一旦統一派位抽唔到第一志願就有機會跌去第4,5志願的可能 . 我家下正考慮緊第二志願係米要北上.
