30-5-2011

      美股休息,昨日港股去到阻力位邊,成交又急速減少,這表示投資者都唔多敢係呢D位入......期指就保持高水,牛熊證比例已差不多50/50,睇淡的散戶開始多,大戶可能已開始有對手了.....通常散戶都係底位唔買高位追,未敢入市者多數因為個個都等突破.......呢個時候大戶只要再用D力震一震落去就好大機會完成轉身,那應是最後低位入貨良機......也有可能向上推一推試下市場反應.......總之向上突破成交唔多就等佢趺低D先中線入市.......短炒除外.

                      09:37      買入489    $13.78短炒

                      11:39      沽出短炒1117    $2.62

                      13:40      沽出一半1157    $17.88

          1157慘被震走一半貨,如今天能回升便是單日轉向.....冇貨可入小注一博...激死#$%^&*

         收市:今天大市VERY精彩.....精彩在最後20分鐘,成交竟有二百多億,可以想像淡友比人殺到冇得還手,散戶追貨追到冇停手.....大市今早已裂口高開後一直在阻力位之下小幅游走而成交又唔多,比人見頂感覺引淡友出擊,點知下午一開市就又裂口高開令淡友追唔到平倉,之後一路殺上到最後半小時迫到淡友投降....大戶部署得真完美.......現成交急增到900億,短期應重有力再上,6,7月唔通真如小弟所言可以破25000?

         2357尾市成交急增至一年高位,應該係MSCI關係......1157有D激氣,但冇計......最令人驚訝的是3938突然炒上,而且走勢轉強,如能收於$1.04之上就有望再試新高,可惜未能在$0.9樓下再加注......82明天應該要有方向啦啩.明天要出五月業績呢....唉.

邊坐邊炒

      D老友話睇我個BLOG但覺得我D買賣有D亂唔多明,點解有時又沽一注,有時又話加注,有時無情情又變D股出來賣........

      咁係因為我唔係新開倉,寫BLOG前當然係有貨啦,又冇POST倉位出來,唔清楚都唔出奇.......其實寫BLOG係因為炒股實在太苦悶,又唔想經常係他人地方發言.....老婆有日見我係人地道寫野鬧人好似唔係幾好,又知我悶,於是就提我不如自己寫BLOG....開頭我話唔知寫咩,又唔多識打字,錯別字又多唔敢寫,點知比老婆寸我話:"邊會有人睇你!最多米你D豬朋狗友同你吹下水,唔識打米慢慢打囉,反正都係消磨時間."咁又係....於是就試下囉,又真係冇咁悶呢.

      開始時都係打算得閒POST一兩篇野,點知越打越覺得好玩,老友又時不時問我買左咩股,於是直頭POST即市買賣叫佢地有興趣就自便........點知佢地都係用MSN同電話............冇POST倉位主要係唔想比識得我D朋友知我家底而見笑.冇說明買賣股數係覺得豐檢由人,根本不重要......囉.

     其實我一直都係用邊坐邊炒的策略.......好多股票都係從低位買起,之後不斷加注,有D人鍾意底位收集,而我策略係越升越買(長情請看早期文章).....例如2357...我在低位短炒左兩三轉,後來$3.8入左一注後見佢有所突破米轉入中倉囉,之後又加第二注短炒又突破又轉入中倉,跟著又加又轉,係未突破前就炒下波幅咁........直到應為足夠為止.咁做係為左唔想錯失一D長升股,但又可以炒下波幅過下手癢....就算回吐都冇咁易被震走,直至轉勢走人時都重有利潤在手,中間過程都賺到錢呢,......不過有時都會好痛苦,好似38咁有兩注係$8.08買,佢曾經上過$11.5啊.....現在!!!868$7.18買又上過$9.78.....唉!!!(是非成敗轉頭空)不過這還是目前個人覺得最好的持貨策略....囉.咁有人會覺得底位一野買夠佢米重好?  咁就係個人風險問題和我個人買賣系統關係(請記著買左升趺比率係50/50,持貨太重好易被震走,有D直頭傷到唔捨得走)............當然用呢個策略之前搵股都好重要,隻股要有D前景先得,我就主要以國家十二五重點支持的股來坐.......

       所以有時會話短炒之後唔沽,又會時不時話加D注云云.....囉.最重要入市前就定好策略,短炒或博反彈就有利潤即閃,中線就定個止蝕位坐下貨......我就已經冇長線呢家野,因我真係頂唔順回吐時唔沽貨.......囉.

     現在持貨有:3988,2357,1361,1368,3938,1117,1157,1313,82,38,868,3323

                               09:51    買入1117    $2.53

                               11:36    沽出2357短炒一注   $5.38

                               15:20    沽清短炒2357     $5.33

       收市:  2357有D可惜,只差幾格便到短炒目標價$5.5......唔到都無計,既然係短炒,又已超買,賺小幾格囉......1117出現上週489的情況,不同的是冇水位沽,希望佢好似今489咁用裂口升穿$2.55啦..... 82反彈應唔只咁小,反正離底不遠,睇多幾日......3800能收於$3.94之上,應可彈高DD,唔再穿底可能會入第一注.....

27-5-2011

       外圍變動不大,港股就出現反彈......在觸及22500呢D技術支持位反彈下係好正常,因為可以齊心殺淡倉,不過從成交看反彈可能只會去到23100左右.....除非成交量能不斷增加.  如果我係大戶,為左引人做淡和迫D止蝕盤出來就會插穿22500.......牛熊比例已減,散戶已冇之前咁睇好了......昨天冇買的883應該重有機會在底位買到.  如果之前估算冇錯,在內銀除息前都重可以低位買貨....決定首選883,489,1313,3311,1157.......昨短中線.

                   10:38   買入489   $13.5

                   15:59   沽出489   $13.59

       收市:   489唔知做咩,成個下午都比人SET住兩三格咁走動,本住有懷疑就閃的中指,所以決定升唔穿$13.60走人......不過可能星期一裂口高開升穿$13.60都唔定.  883排得太低入唔到,等下次回吐先考慮....2357臨尾幾口掃上$5.29,唔知真係買貨定有心造高個價......1313排左$7.28入唔到,不過有貨就唔急,反正多隻股都去到阻力位理論上都要回一回,449都排左$0.76又係入唔到囉.  大市已去到23100~23200呢D位,但成交始終唔多夠......冇大成交上升只當反彈先.

26-5-2011

      昨晚有個老友問左我一個我覺得有D低低地的問題,即時比我抽插左佢幾野,重叫我唔好寫出來......不過我今早想唔到期他野講就只好"對不起,我出賣你"

      佢問我呢排咁多壞消息而個市趺咁多點解重買貨?唔通唔怕死?下月係米真係一定升?......發顛!!你估我係神咩...我點知下月會發生咩事.我反問佢買六合彩時有冇想過一定中,唔係一定中點解重要買?佢好低B咁答話買六合彩只係用幾十元但就博過億囉.....大老呀!風險同回報成正比嫁,中六合彩的機率好似係一千四百萬份之一,買一世都未必中,但我買下月升趺機率理論上係二份之一呀!回報當然冇得比啦.

      其實大家都係估估下啫,買左升唔升唔知,但唔買升就冇我份就一定.....買幾多就要睇個人風險,點解睇好之前已提過(近日大戶搵到惜口啦)......其實做投資/投機個倉冇可能冇貨,只係多&小,好&淡啫.炒股票高又唔敢追低又唔敢買就搵唔到食呢,想賺多D就要有D風險嫁啦.我直頭叫個老友只買3988就算,起碼風險唔大又可以坐住收息,下月除息PE重低,如果驚就現在買一注,每趺5,6%加注,一定唔會加多過四注啦,唔通沽到5,6倍PE比人買咩,邊個沽比你?......又唔係熊市.

       做功課時發現883走勢比大市強,高盛又調高未來油價,都好想買D,但電腦板面已爆,不能再同時觀察多一隻了,因此可能會沽清走勢轉弱又坐左N月的1968,雖然會實現虧損,但今月都於左見紅,唔差在紅多D啦.  愛股1313已有轉勢績像,可能會重投懷抱....

                    10:44      買入1313   $7.07

                    11:17      買國指    12725

                    11:52      沽出國     12756

                    14:30      加注2357   $5.12

                    15:17      沽出一半1361  $5.27

                    15:32      沽清1968   $5.54

      收市:  沽清1968和減持體育股是因為太激氣.....因為被1968左一左我冇買到883,又因為868趺到冇朋友但現在沽又太唔值....激到要搵野沽所以就沽D坐左多月又蝕錢的體育股云云.反正今月已冇可能返身.....昨天先話隻2357快突破,估唔到下午比個驚喜我,此股已創收市高位,明天還有機再高D,應快到目標價了......真係還是覺得你最好.  水泥股當住佢地見底先,其中最看好1313,走勢好又會再加注炒過....  3311真係好可惜,已後都要按系統做事,不能以氣用事啊....(講就易...只能盡量啦)

24-5-2011

      美市微趺,港股已唔多跟走.......有時跟下歐美,有時跟下內地.....講到尾都只係大戶部署.   之前提過強勢的股票會最後下趺,從這數天看是有可能真係差不多呢?   這兩天下月合約增加得好快,又是否大戶襯低位大幅轉倉呢?  轉倉期間通常大幅高開或低開都是買賣牛熊或期指的好機會.   還是為持6,7月看好,因此會在低位買貨的策略.  市轉話內地經濟增長放慢,咁米好囉,可能會提早放鬆銀根呢...可能又似下次炒賣的借口.(越來越覺得好難搵野寫)

                 09:43    沽清3311$7.78

                 09:45    買入3323$14.42

                 09:54    買入國指12538

                 10:12    沽出國指12571

                 11:26    買入82$2.08 穿$2元止蝕

        哎呀!隻3311突然升左.....本來早幾日都話趺穿7.6先走,....但經過2128沖洗後信心有D動搖.......唉!唯有睇多幾日啦!....此股基本因素真係唔錯,如果有出街留意D基建大部分都係掛佢個牌,加上內地D建設,早論又集左資已冇資金需求,生意真係造唔晒.....唯一唔知成本有冇增加減低毛利.....做基建D毛利比較低呢...

         收市:  大市襯亞爺收左市就大挾淡倉,好毒!最可惜係想再入國指入唔到,真係升得太快......趺左幾日市水泥股都唔穿底就有可能見左短期底,睇好應可入第一注.82買入下趺,$2.26都有基金入股而且已趺近底位,技術上已嚴重超賣,值博率高....定左止蝕位就OK.2357已整固多日理應快將突破,否則或會先沽一注.3311就唉....今日雖有買入信號,但沽左就唔急,睇多兩日先.....

24-5-2011

       美市趺左百幾點,但成交不多,一開已見低位打橫行到收市,低位有D買盤......歐債都炒到爛晒,昨日港股主要是亞爺政策拖低內銀股,其他股分沽壓不算大.......我估除非歐債真係爆左,否則22000~22500呢D位都唔會穿,所以呢兩日跌市都會買D貨播下種.....3323,38,1157,2357,3311都係目標.

                     09:32   買入3311$8.05短炒

                     09:39   買入868$7.87

                     10:33   買入2357$4.93

                     11:15   買入3938$0.93

                     13:31   沽出國指12682

                     14:16   沽出短炒3311$7.95

        收市:    大市成交小到冇朋友,這二天期指應比晒位平倉.868重有壓力,不過去到呢D位長線又真係唔捨得沽,反正還有利潤在手....大不了唔賺錢囉.反而要留意下3311&82.......3311今天已兩次下穿中軸線,雖還收於之上,但可能已轉弱,為左有懷疑走人的中指,除時了結左佢......82就正好相反,似有開始見底樣,除時會有個大反彈,要留意!...........水泥股未知見底未,再留意多幾日.......38趺得有D過份$8蚊邊D貨唔見左好多利潤....但此股還是看好,除時加注....激死!

是誰在畫圖表?

       我一直應為炒股要識睇圖表....當然有人應為圖表只是反映過去,對股價沒有前瞻性......  圖表的形成是反映股價的高低起趺,而高低起趺是資金買賣造成,而資金大多是大戶的錢......

       上市公司的動向和前景好壞,最了解的除了公司戶管理層外便是基金大行,他們可以每天和管理層食飯飲花酒收風.甚至派人去開董事會,所以能知道第一手消息做春江鴨......到散戶都知時已是二三手了,不過都總好過以前的四五手,這真是多得互聯網的發達和高錕的光纖技術呢.

        散戶不論實力和資訊都不及大戶,唯一好處就係轉身快,散戶可以一分鐘前買,一分鐘後沽,大戶就冇可能.......囉.當大戶知道第一手消息後,不理好壞都會作出部署......過程中當然會整色整水唔想比人知......由期係散戶.  但點神秘鬼祟都好,要部署就一定要做買賣,有買賣就有成交,有成交股價就有變動.....咁自然會在圖表反映.

        我們不車望知道消息快過大戶,更不可能跟他們對著幹....所以要盡量捕捉大戶手影,跟貼大戶快其他人一步賺其他散戶的錢.要早著先機就要睇得明圖表來估計大戶動向.......大戶是不會看圖表的.......因為圖表是他們畫出來的.

                                         (以上只是個人偏見,不同意也沒辦法囉)

      老友又來電,話3800買唔到點算好....唉!叫佢4蚊左右入佢就真係坐定定等4蚊接貨....大老呀!邊有咁死板嫁,開市30分鐘趺唔落好搶啦,趺左咁多除時反彈啦,買左放止蝕當短炒咁玩米得囉.....反正都蝕左咁多,唔差在蝕多小小啦.....昨日如果唔係比隻2128攪左成朝,我都應該即日鮮......

      剛做完每周功課(之前是每日,寫BLOG後就賴左,以後都要改善).留意到之前強炒的板塊已相繼回吐,最先的應是水泥,跟著重形機械,太陽能,新材料等....可能就快到賭業.資金輪流炒,有D似流左去之前低位收集中的內銀,消費,氣車,內房等.....

      經過上星期的洗倉後(自己的倉),現在是實現淨虧損(多得2128)唉!,還有數天....希望可以回復淨利潤....洗倉後倉位中14隻股最大的還是3988,其次就變左體育股,再2357.....現在手頭現金多左,我想多數會再加注現有股票&買多一隻股至15隻.......現在心情就好似返左成個月工,突然公司話會冇粮出.......囉.

                                09:36  買入2369$1.9博反彈

                                10:18   買入國期12683

                                10:38   沽出2369$1.98

                                15:46   沽清449$0.83

                                15:57   加注1157$18.52

      收市:   大市急趺....但成交不算多,沽壓主要來自內銀股,可能是壓內銀在低位轉倉.....還是覺得內銀可能是終極一趺,因此會再趺再買.由於已覺得離底不遠,指數應會在較高位結算,所以唔平倉著..........82好似已差唔多到底,睇多幾日.2357還是覺得你最好....

20-5-2011

       又再一次證明止蝕的重要性.....看一看2369吧.用半年時間由$2.4升到$5.8...又用5個月由$5.8趺到$1.99...我看還未見底呢......途中如果唔信邪溝下淡就真係見晒血....我估都大有人在.....不知多少散戶慘折腰啊.  對通訊股已開始要小心了.....

       所以我的炒股第一要訣就係止蝕,有時為左保本....真係要忍割肉之痛.老土的講句"留得金錢在,那怕沒股買".....唔係次次都會好彩返家鄉的.....市場機會多的是呢.

                            浪花淘盡英雄,是非成敗轉頭空,青山依舊在,幾度夕陽紅.

       大市還是很波動,成交不多,今個月都很大機會在23400~22500之間走動,如有機見23400左右可能會沽期指對沖風險.下月先比較看好.  868配股集資....高速發展下自然需要錢,反正已不多貨...唔穿8蚊由他.多隻水泥股都好似重有沽壓.....可能要試深D,3323穿14.4可能走人....3800話咁快就到4蚊邊,趺多小小也許可博反彈,定好止蝕位應OK.

                                沽出3323$14.44

                                沽出一注2357$4.96

                       10:14  沽一半2128$6.59已趺到10%止蝕位唔沽唔得...慘.另外一半中倉已交由渣打自動到價止蝕,因怕到時會唔捨得.....唉!

                       11:13  沽清2128$6.42......唉!

                       11:35  買入38$9.94   

     中午:   5月分辛苦賺來的萬多元被2128沖洗了.......這便是過份睇好一隻股票,但在沒有利潤基礎下持貨太重.....一趺就冇防守力.如好似2357,38,868咁從低位買起就算趺兩成都唔使輸.....這次是一個很慘但有建設性的教訓......以後要改善持貨守則.經一事長一智.....重新再開始吧.....加油.  

                      15:26  買入1117$2.53

     收市:  今天真是本人的黑色星期五....多隻強股今天都大趺,2128已沽清,868昨天已沽出大部分叫做好D,38都大趺失守50天線,星期一二如不升回之上要沽清了.都唔知D股係震倉定大戶換碼,之前落後的氣車,內房,內銀,體育,零售都有見底回升之象,要多加留意......

                                  

19-5-2011

       昨晚和朋友食飯,其中一位老友話早幾日我猛讚隻3800,話佢有中投入股,環保前景好云云,所以見我入跟住佢又入點知......問我點算好.    都叫佢得閒抽D時間上我個BLOG.....嫁啦.......睇好唔表示一定升,今日睇好明天可以睇淡,D股評人都成日轉口風啦,始終係短炒啊....早幾日我都提過3800有D派貨格唔對路而清晒貨啦,就算無睇BLOG趺到買入價都要識走啦,我成日都同人講"唔賺都唔好蝕,就算蝕都係蝕小D".......嫁啦.......唉!現在我叫佢一係走人,一係坐住佢,一係博趺到$4蚊左右加注有個似樣反彈走人囉.......雖然唔知咩事趺咁急,但要上反佢買入價就真係.........要D時間.......囉.炒股點都有風險......嫁啦......老友!

                    11:22   買入449$0.9短炒

                    13:41   沽出三分二868$8.75

                    13:41   買入1968$5.9

    收市:    今天真係激氣到想殺人.....首先一直看好的868慘被震走,真係冇計,到左$8蚊至$9蚊樓上入個D貨的打和價,為左唔想輸,只好忍淚沽出....只保留$7蚊樓上的貨,不過可能明天又會從新再玩過.....唉....   2357又係慘,本SET左$5.29走一注,只知又唔到價...錯過左走一轉的機會....    449好似領佢野咁....早上好威風,下午死晒狗.....趺穿$0.84止蝕......

18-5-2011

      美股下跌,港股沒有低開.....可惜但可喜,證明已離底不遠,應每次急趺買貸.由期國貨.高位出貨的短期策略,直致下月...

                      09:41    沽出一注3938$1.05

                      09:56    買入3800$4.69即日走

                      11:37     沽出3800$4.74  無想像的力度,沽壓很大...放棄.

     昨天868出現類似震倉的情況,今天又有D似強行壓價的樣子,在沒有不利消息下,有可能是分拆前的收貨.......但技術上已兩天下穿中軸線,如收市不能重回之上便是轉淡,但也可能是假突破,如貨小可多看兩天,貨多可考慮減D,冇貸可小注一博.

       收市:   大市尾市有D波動,相信之後都會經常係咁,見高就會有D尾市計數盤.雖然期指一直大高水,可惜成交還是很低.....沒有指標性,唯一確定是國指比恆指強,所以一直都建議睇升買國指,睇趺沽期指.... 868險守$8.9多看一二天.  2357收於歷史高位,明天再試頂.  2128冇眼睇.   1361還可以.  449又錯失$0.84入睇下明天有無機.   1157真係買貴左想沽都無水位賺,只能看能否收於$19.3之上....可惜.

17-5-2011

       這兩天未平倉數回升,呢個位開淡倉機會不高,應是開好倉為主......問題係睇左D牛熊分佈,果D好倉可能係發行商被迫開的對沖盤,大戶睇住倉位來食......到頭來輸錢的都是散戶.

                   10:26    買入國指12611

       中午   2357被大魔踢左入MSCI....過往被踢入的股分都唔多好,如今天冇突破就先沽出短炒部份.......發覺個倉冇咩現金就唔多輸服,都係要沽D貨出街先得,否則再大趺都冇錢買野......

                   13:31   買入3323$14.8

                   14:01    沽出國期12679

                   15:07    加注1361$5.59

                   15:57    沽一注2357$4.94

        收市   2357升得冇想像的多,沽出一注以是抗議.....已錯失兩轉機會了.   水泥股趺得急自然炒下反彈,未必係轉勢.睇多幾日先知.   2128都唔知等咩,不過應該快有方向,再等多下唔對路減持.   1361能收於$5.6之上可看高D.   868唔知係米震倉,今早冇博反彈係失敗之處,可能已一步到位了.   3800明天可能有機博反彈.

成也內銀,敗也內銀

       昨天和友人談論股市,各吹己見.我更打賭說恆指6,7月間必破25000云,輸者請飲花酒....上次因3938已WIN左一晚花酒,今次都應該很大機會(我想)......又想起GIGI&亞思......下月再見......

       友人應為還有很多不利因素---什麼通脹,美元,歐豬,加息云云.我就以推測大戶心理和部署作理由------首先我覺得如果上次地震價22000已是鐵底,上周22800左右已離底不遠,已沒有造低的水位.而一直大市都不能破頂除左環境因素外,最大原因係內銀唔升,當然市場覺得是政策左右內銀,但從上月季業績已看到政策對內銀影響冇傳言中大,連我都知就係人都知,點解重冇反應?我估計可能係大戶有心壓價收貨收息,因為內銀都幾高息,可以不用出力就有幾%落袋對大行已是不錯了,而散戶的習慣係幾好都假,你唔升我唔買,所以我相信只要大戶一推就好多人搶,呢D係羊群心理,同之前搶鹽一樣,再加上D補空倉盤,相信推升不難......當然還有最大的賭場----衍生市場的原因.

       內銀都在6月除息,收左咁多貨除息後唔通等明年再派息?當然要炒高派街坊啦,D大行可能已有共識6,7月除息後先做野,所以5月分做淡,在低位轉身做好.但我估現在問題係大戶點轉身?太多散戶都看好(從牛熊分布就知)要轉身就有D難度,可能係抽上插落慢慢轉,最好有D不利消息令多數人睇淡後市.......需知道內銀對恆指&國指的升趺左右很大,兩指加起有十幾二十萬張合約......派發內銀之餘,當然要大殺淡倉.到時自然會有D你話利好又得,利淡又得的似是而非理由.......所以近期都買左D3988,已有倉位兩成幾......

              恆指豈只二萬三,一遇內銀便化龍     成也內銀,敗也內銀

                                   (以上只是個人吹水,毫無根據,請勿盡信)

                                  09:46    買入1157$19.06  穿$18止蝕

      收市:  股市低開低走....唯一未趺穿上星期低位,成交不多可視為沽壓唔大.今早買入的1157一買就趺,雖不是短炒,但趺穿$18都要止蝕....此股基本面不錯,之前升得太多沽壓比較大而已.3311續趺回橫行區,趺穿7.6會沽清中線貨再看.2357本想$4.91沽一注貨,但又怕買唔返....罷了.其他868,449,1361,2128還算OK.

13-5-2011

       亞爺又加咩金....對內銀不利,由其細銀.不過下月又會不對稱加息....對內銀有利,由其大銀.對上三次加咩金後股市都升,今次應該都會.....啩.如今天有幸大幅低開,買期或牛都有得博下DAY TRADE.

       5月以來大市下跌而未平倉數和淨數都減少,可能是低位平淡倉或殺牛後平好倉.........睇下幾時低位開新倉就有機回升.如而除息計下月開紅盤機會大D.

                            09:34    加注3311$8.04

                            09.49    買入868$9.14短炒

                            10:04    買入2128$7.37短炒

                            10:40    買入1361$5.34中線

                            10:58    沽出大半數3311$7.92

                            雖然唔知係米震倉,但趺穿止賺位唔沽清都要沽至少一半.

        炒股票有時就係咁,由於散戶的資訊不及大戶,所以一定要有止賺,止蝕位來保護自己,寧可錯失機會,日後可以再買回.

                             11:23    沽清1313$7.26

                             11:37    買入3988$4.2中長線

        大市有點可惜,因未能一步到位,我希望佢會一野趺致22700,咁反而會吸引大D買力令大市提早見底.之前已提過水泥股可能有深D回落,現在一直走強的3323都有較大的回落了........3800這麼大市值的股票在一星期內有咁大波動,通常都係大升或大趺前的前奏,所以昨天已沽清,如有機見$4.5再想.

                             14:05    加一注3938$0.95

         收市:   次次加完咩金都升,今次都唔例外.        唔怪之得個個月手續費都咁多;真係股票行賺晒我D利潤.    今天短炒的2128&868都真係令人失望,反而多天力守支持的2357有D表現,搵錯對象....激死.     排左成日449只差小小就入到....可惜!      3800還是很波動,有貨應要小心.      大市單日轉向,可惜成交不多,下星期成交唔增加都未能樂觀呢.

12-5-2011

      美股趺左百幾點,加上5號仔原來冇料到,港股都應會低開,睇好博反彈應買國指,睇淡就沽期指.....

      商品又急趺,上次航空股高開冇機會,睇下今天如何?   

      昨天已提到1361已出買入信號,可能會睇位買入短炒.

      3311今天如下跌守$8元可不理,如上升至$8.5左右先沽一半.

                          09:35   買入868$9.19短炒

                          10.06   買入449$0.83短炒

                          14.00   沽出短炒449$0.88

                          14:38   沽出868$9.22

                          15:00   沽清3800$5.4

11-5-2011

       之前體育股被沽到很低,市場一直有很多不利消息---什麼成本上漲,毛利下跌云云.....但事隔半年不到,現有大行和股評人開始唱好它們,以1368,1968,1361為例,已有大市趺唔跟趺情況,何解?   其實都只是三部曲作怪,1968最先反彈,可能是高盛一直睇好,街貨較小,而1361可能比較街貨多所以有點慢,但現在都開始想發力了,冇貨都可以買D,的確是比較安全的股.449都應該在收集中,此股剛有基金加倉,而且上次業績時公司已說明有信心在短期會提升市值至過百億.......雖然未可盡信,但從圖表看的確是上升走勢,夏天炒下冷氣股都唔係唔得......可以邊炒邊看.

                   10:15  買入國指12883

                   13:48  沽出國指12973

       16:10   1361已發出買入信號,如明天下跌可能會短炒.3311果如願地作出突破....通常剛創新高的會再創新高,只要守$8蚊有機見$9元樓上,明天再升見$8.5先走一半等回吐至$8元左右買回.2357可能要再一試4.6左右,如守得著可能便完成後抽,直向$5.5進發...

        

骨水三部曲

       現在大市波動,忽升忽趺,滿佈不利消息.......有人話係牛2,又有人話已進入熊市....但以現時基本面和PE睇....熊市就應該冇咩可能.......囉.

       長久以來,股票都是不停地運行三部曲-----收集,抽高,派發. 不論是小庄,大庄或超級大庄都是用三部曲來賺錢.....所不同的是小庄玩細股,大庄玩大價股,而超級大庄就玩大市值的股,衍生工具,而至聯手左右大市.

        細股比較小受市場關注,所以庄家一般在低位收集一段長時間,借機會炒高然後派貨......大市值的股由於有很多資金參與, 要收集就要用消息來引起市場不安或恐慌情緒來收貨.....之所以有"大戶買貨,越買越低",派貨時同樣要有利好消息令資金入市,也即是"大戶派貨,越派越高"(萬變不離其中)

        細股除非有十分利好的消息,否則一般都是炒幾天便完事,因為它不可能長期被市場關注,庄家資金又唔係多,不可能長時間推升股票.但超級大戶由於倉位大,一般要經過多重派發,時間較長,也要市場氣氛.

        魚頭魚尾不吃....只吃最多肉的魚身.

                        09:41  買入449$0.79

                        10.40   沽一半3800$5.11

                        11.45   沽出一注3938$0.99

2011-5-6

       商品市場有D爆爆地,D資金唔知有冇機會流向股市呢.....今天指數如有機大幅低開,可能會即市買張期指博一博,股票應可留意753&670,之前已見油價升而不趺的情況,今天都可能會買D.

             09:16   買入一張期指22862

             09:26   沽出期指22892

             09:36   加注2357$4.62

       3938已下跌至支持位,無貨應可入小小,期指太早沽出了,賺小起碼60點.....無計低開得太小了....82再試$2.28不穿,已可博一博....

              10:49   買入3938$0.95

               13:48   沽出82$2.28

        大市整天都在小幅波動,不是派貨就是收貨,以現時位置看當佢收貨啦.有兩隻股票真有D後悔....1122沽早左,3800唔早D沽,如果兩隻倒轉做就好......唉!

         868尾市抽回高位收,就快分拆上市,應有機上10元之上.82短炒到左止蝕價只好無奈沽出....可惜,中長線還是看好的.3311還在玩震盪,係就係買貴左,守$7.4還有機.

2011-5-5

      剛看到牛/熊街貨分布,發覺殺完一輪大牛區後,又出現一片大牛區.......證明散戶不太相信大市會大趺,越趺越多人買牛......如果這兩天大市出現反彈而牛證街貨無減少,熊證街貸無增加的話, 一面倒的情況可能又會引來殺牛行動呢!

             11.05  沽出一半1313$7.58

             11.26  買入3311$7.75短炒

             15.02  沽出一注38$10.5

     3311已到大升或大趺前的震盪,持要嚴守$7.4便可,過到這關有望見新高.....希望!很不想沽出38,但市況好像無力反彈,為安全只好減持一些未回吐的股票,因為強勢股通常都係最後先趺......大不了之後買貴D,最緊要安全. 2357還未趺到$4.65,好似有D支持,唔錯...但可惜. 1122真係好有心....可惜已無貨.......炒股都經常係咁,為左安全只好放棄,反正股市永遠都有機會,不用只爭朝夕. 82還在低位游走,穿$2.28走人.....且看.